From my desk!
Chal kisi kinaare,
Dekh liya rukh samundar ka.
Kuch nazar aye to batana,
Matlab nahi ab safar ka.
Zindgi ki talash aur,
Talash me zindgi chhup gayi,
Waqt nikalne ke liye jaise,
Waqt ke aage zindgi jhuk gayi.
Intzar ab nahi kisi ki nazar ka,
Fir bhi kuch nazar aye to batana,
Matlab nahi ab is safar ka.
Kuch panne palte dusro ne the likhe,
Kuch khud likh ke jala diye.
Likhne baitha tha muskurahat leke,
Kuch yaadein likhne me aansu baha diye.
Imtehaan ho chuka mere sabar ka,
Kuch nazar aaye to batana,
Matlab nahi ab safar ka.
Jahan taare dikhe zamane ko,
Mujhko koi tasveer dikhi.
Likhne baitha tha sach,
Sach me apni zindgi likhi.
Dhoka nahi, nakal nahi kisi ki kamiyabi ki,
Likha hai jo, vo bayaan hai mere hashar ka,
Jab bhi kuch nazar aaye to batana,
Matlab kya hai ab safar ka.
Rangon me mazhab dekhe,
Khoon sabka dekha laal,
Kudrat kaisi bemisaal,
Ek rang ek roop, fir bhi hathon me mashaal,
Kab tak rahunga pata nahi, bas thik hun filhaal,
Hun par jab tak, tab tak karunga ye sawaal,
Kadardar ki bekadri,
Kyu duniya me samman bekadar ka,
kuch dikhne par bhi kyun batana,
Jab matlab hi nahi safar ka.
vishal@shopmywords.com
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s